DISCOGRAPHY

   popplagið.com        amiina strings quartet 

Amiina:

maría huld markan sigfusdottir,edda rún ólafsdóttir,sólrún sumarliðadóttir,hildur ársælsdóttir 

aminamusik.com - amiina - official website

amiina  myspace.com

aminamusic -   amiina - Fan site

rumraket - amiina danish label

workersinstitute - amiina - usa record label 

Edda Rún Ólafsdóttir fæddist í Reykjavík 3. febrúar 1978. Hún stundaði fiðlunám hjá Mark Reedman og Lin Wei við Tónlistarskólann í Reykjavík og lauk þaðan 7. stigi. Auk ýmissa tónlistarverkefna með Amiinu hefur hún starfað með dönsku hljómsveitinni Efterklang, bæði á tónleikaferðalögum og plötum sveitarinnar. Hún hefur einnig komið fram með öðrum hljómsveitum og listamönnum og kennt fiðluleik við Tónmenntaskóla Reykjavíkur.

Hildur Ársælsdóttir fæddist í Kaupmannahöfn 31. janúar 1980. Árið 2000 lauk hún einleikaraprófi í fiðluleik frá Tónlistarskólanum í Reykjavík undir handleiðslu Guðnýjar Guðmundsdóttur og stundaði síðar nám við Konservatoríið í Kaupmannahöfn. Auk verkefna með Amiinu hefur hún starfað með dönsku hljómsveitinni Efterklang og fjölda annarra listamanna. Þá hefur Hildur starfað sem lausráðinn fiðluleikari með Sinfóníuhljómsveit Íslands og kennt fiðluleik.

María Huld Markan Sigfúsdóttir fæddist í Reykjavík 29. september 1980. Hún stundaði fiðlunám hjá Guðnýju Guðmundsdóttur við Tónlistarskólann í Reykjavík og lauk þaðan einleikaraprófi árið 2000. Árið 2007 lauk hún BA-prófi í tónsmíðum frá Listaháskóla Íslands eftir þriggja ára nám, sem hún stundaði að hluta til við Dartington College of Arts í Bretlandi. María Huld hefur tekið þátt í fjölda verkefna á tónlistarsviðinu auk þess að vera meðlimur í Amiinu. Þar má einkum nefna Hóp fólks (2000) og Hrafnagaldur Óðins (2002). Tónverk hennar hafa ennfremur verið flutt á Íslandi, í Bandaríkjunum og víðar. Þá hefur hún starfað með innlendum og erlendum tónlistarmönnum eins og Slow Blow, Sigur Rós og The Album Leaf.
 
Sólrún Sumarliðadóttir fæddist í Reykjavík 10. ágúst 1977. Hún stundaði nám í sellóleik við Tónlistarskólann í Reykjavík og lauk þaðan 8. stigi, en hóf síðan það nám við Tónlistarháskólann í Maastricht í Hollandi. Hún lauk síðan BA-prófi í tónvísindum frá Háskólanum í Utrecht og MA-prófi í menningarstjórnun frá Goldsmith’s College í London. Auk verkefna með Amiinu og ýmsum öðrum tónlistarmönnum hefur hún meðal annars sinnt kennslu í sellóleik, verið fyrirlesari og stundakennari í menningarstjórnun við Háskólann á Bifröst og tekið þátt í stefnumótun í menningarmálum Reykjavíkurborgar.
 

popplagið.com